Mbrojtësi i Empolit, Elseid Hysaj përgatitet të ndeshet me Lazion të dielën në kuadër të xhiros së 11-të në Serie A.

Dhe, për të nuk do të jetë një duel i rëndomtë pasi do të takohet me skuadrën e kapitenit të Kombëtares shqiptare, Lorik Cana.

Hysaj ka pranuar se skuadrën e tij e pret një duel i vështirë, por ai dëshiron të nxjerr rezultat pozitiv kundër Canës.

“Do të jetë një ndeshje e vështirë kundër një skuadre në formë. Po ashtu, do të takohem me Lorik Canën, kapitenin e Kombëtares time të Shqipërisë. Shpresoj të paraqitem mirë dhe të nxjerri një rezultat pozitiv kundër tij”, u shpreh Hysaj për faqen zyrtare të Empolit.