Catania e do Adrianon

Adriano mund të rikthehet në Serie A. Catania është mjaft e interesuar për sulmuesin brazilian, i cili nga ana e tij e ka shprehur dëshirën që të rikthehet në futbollin italian, ku luajti tek Inter dhe Roma.

Sport

16/08/2014 02:23

Ishte dikur njëri prej sulmuesve më të rrezikshëm në botë, por nuk është më. Megjithatë, kjo nuk e pengon Adrianon që të bëhet objektiv i skuadrave nga kampionatet me të njohura evropiane.

Së fundmi, interesim për ish futbollistin e Interit dhe Romës ka shfaqur një tjetër ekip italian.

Sipas të së përditshmes ‘La Gazzetta dello Sport’, për ish përfaqësuesin brazilian interesim së fundmi ka shfaqur Catania, e cila e do ‘Il Imperatoren’ në ekipin e saj.

32 vjeçari është takuar me Pablo Cosentinon, president i klubit sicilian dhe futbollisti nuk e ka përjashtuar mundësinë e rikthimit në Serie A.

“Përse jo? Është një ekip i mirë dhe mua më intereson të luaj. Nuk më intereson se në cilën ligë, vetëm dua të luaj. Një mundësi e fundit në Itali do të jetë mjaft tërheqëse për mua”, ka deklaruar Adriano.