Rexhepi ka bërë të ditur se motivet e personave të dyshuar janë nga më të ndryshmet.

Ai në InfoMagazine të Klan Kosova ka thënë se ka pasur nga ata që gjithmonë janë ndier të diskriminuar, dhe për këtë arsye kanë vendosur të shkojnë të luftojnë kundër rexhimit të Bashar al-Asadit.

“Jam i bindur që ka elemente të mjaftueshme që pas mbajtjes së 48 orëve, atyre t’iu caktohet paraburgimi dhe të zhvillohet pastaj procesi me gjykatat e prokuroritë”.

Si tha Rexhepi, numri i të dyshuarve nuk është i saktë, por të gjitha opsionet janë të përafërta e që nuk e kalojnë numrin 100.

Duke folur mbi të ashtuquajturin indoktrinim të këtyre personave, Bajram Rexhepi ka thënë se rol të rëndësishëm kanë edhe familjet.

Ai u sugjeroi familjeve që të bashkëpunojnë me bijtë e tyre në mënyrë që të mos lejojnë të shkojnë në luftë.

“Familjarët shpeshherë nuk pajtohen me vendimet e tyre. Është shumë më mirë të bashkëpunojnë dhe të mos i lejojnë të shkojnë atje dhe, eventualisht të vriten në Irak e Siri. Ose, edhe kur të vijnë të përballen me drejtësinë këtu”.