Policia e Prizrenit njofton se ka kryer hetime dhe e ka arrestuar të dyshuarin, i cili është intervistuar në prani të avokatit mbrojtës. Gjatë intervistës, i dyshuari i ka treguar policisë për vendin ku e kishte fshehur pistoletën.

Arma e sekuestruar është e llojit revolver “Smith&Wesson”, e kalibrit të panjohur, me pesë fishekë. Me vendim të prokurorit, i dyshuari është dërguar në mbajtje për 48 orë.

Njoftimi policor tregon edhe për një rast tjetër që ka ndodhur të mërkurën rreth orës 19:00, në rrugën “Carraleva”, ku një person ishte plagosur në këmbën e majtë nga plumbi përderisa po ecte rrugës. Mirëpo, deri tash policia nuk ka ndonjë të dyshuar për këtë rast.