Mourinho: Klose nuk është Ronaldo
Jose Mourinho uron Miroslav Klosen për rekordin e golashënuesit më të mirë në histori të Kampionatit botëror. Por, ai insiston se sulmuesi gjerman nuk është në nivel të legjendës së Brazilit, Ronaldo.

Sport
Jose Mourinho ka uruar Miroslav Klosen që u bë golashënuesi më i mirë në histori të Kampionatit botëror, por thotë se gjermani nuk është në nivel të ikonës së Brazilit, Ronaldo.
Mourinhos nuk i erdhi mirë që ish ylli i Barcelonës dhe Real Madridit e humbi rekordin e tij prej 15 golash në Botëror, pasi Klose kaloi në kuotën 16.
“Urime për Klosen”, deklaroi Mourinho për “Yahoo”.
“I respektoj shumë numrat që i ka arritur por e vërteta është se futbollisti të cilin e konsideroj si më të mirin pas Maradonës e humbi rekordin. Besoj se Ronaldo ishte futbollisti më i mirë i dy dekadave të fundit, së paku nuk do ta humb titullin e më të mirit të 20 vjetëve të fundit”, shtoi menaxheri i Chelseas.