Spanja është favorite absolute për ta fituar titullin e kampionit botëror. Për këtë është i bindur portieri Iker Casillas.

“Stuhia e Kuqe” do të shkojë në Brazil si kampion botëror dhe evropian në fuqi, prandaj konsiderohet si njëra prej pretendenteve për të triumfuar edhe në turneun që mbahet në Amerikën e Jugut.

“Arrijmë në këtë kompeticion si favoritë absolutë, edhe pse ka skuadra të tjera të mëdha si Argjentina, Brazili, Holanda e Portugalia, që mund të luftojnë për titull”, deklaroi portieri i Real Madridit, i cili është titullar i padiskutueshëm tek ekipi i Vicente del Bosques.

Spanja do të luajë me Holandën, në ndeshjen e parë në këtë eveniment, i cili do të fillojë të enjten.