Këngëtarja me famë botërore, Rita Ora, ka shprehur mbështetjen e saj për Kosovën dhe Shqipërinë përmes një postimi në rrjetin social Instagram, në prag të ndeshjeve të rëndësishme që zhvillohen sot.

Në mesazhin e saj, ajo u ka uruar fat të dyja përfaqësueseve duke theksuar shpresën që ato të bëjnë histori dhe të sigurojnë kualifikimin në Kupën e Botës. Postimi është shoqëruar edhe me një imazh ku shfaqen futbollistët e Kosovës dhe Shqipërisë, së bashku me mesazhet “Forca Kosova” dhe “Forca Shqipëria”.

Ky reagim i artistes ka tërhequr vëmendje të madhe nga tifozët shqiptarë, duke u parë si një shtysë morale për dy kombëtaret në përballjet vendimtare.

Sonte nga ora 20:45, Kosova ballafaqohet me Sllovakinë, kurse Shqipëria me Poloninë.