Presidenti i FIA-s, Mohammed Ben Sulayem ka njoftuar se organi drejtues i Formula 1 do të fillojë procesin për të kërkuar skuadra të reja të mundshme për t’u bashkuar me rrjetin.

Aktualisht, rrjeti përbëhet nga 10 konstruktorë, me Haas-in që iu bashkuan të fundit, përcjell lajmi.net.

Ish-piloti i F1, Michael Andretti nuk e ka fshehur ambicien e tij që Andretti Global të bëhet ekipi i 11-të i sportit, megjithëse këto plane deri më tani nuk janë përgjigjur.

Megjithatë, njoftimi i Ben Sulayem mund t’i hapë derën Andretti, i cili tashmë drejton ekipe në IndyCar, Indy Lights, Indy Pro 2000 dhe Formula E, dhe të tjerë për të fituar një vend në rrjet.

“Kam kërkuar nga ekipi im FIA të shikojë nisjen e një procesi të Shprehjes së Interesit për skuadrat e reja të ardhshme për Kampionatin Botëror FIA F1”, postoi Ben Sulayem në ‘Twitter’.

Megjithatë, duke folur për’ Sky Sports’ në shtator, presidenti dhe CEO i F1 Stefano Domenicali ishte i bindur se ekipi i 11-të nuk ishte një prioritet për sportin./Lajmi.net/