Lëvizja Vetëvendosje (LVV) ka reaguar pas rezultateve të zgjedhjeve të 28 dhjetorit, duke e cilësuar fitoren si plebishitare dhe një reflektim të qartë të vullnetit politik të qytetarëve.

Në komunikatën për media, LVV thekson se së bashku me partnerët e saj kanë rezultuar të parët në 24 komuna të Republikës së Kosovës, duke shënuar rritje të votave në krahasim me zgjedhjet e 9 shkurtit.

“Vullneti politik i qytetarëve është i qartë, fitorja elektorale është plebishitare, referendumi demokratik ka kaluar,” thuhet në reagim.

Lëvizja ka përmendur gjithashtu suksesin në votën nga mërgata, duke e cilësuar si një fitore të jashtëzakonshme dhe tregues të mbështetjes së gjerë që ka marrë.

“Fitore e jashtëzakonshme po shënohet edhe në votën nga mërgata,” ka theksuar LVV.

Në përfundim, Lëvizja Vetëvendosje i ka falënderuar qytetarët për mbështetjen dhe ka uruar për fitoren historike të arritur në zgjedhjet e fundit.

“Ju faleminderit për mbështetjen. Urime për fitoren historike!” përfundon reagimi i LVV-së. /Lajmi.net/