Komuna e Prishtinës ka njoftuar në lidhje me shembjen e rrugës “Don Shtjefën Kurti” në Prishtinë.

Ata kanë thënë se rruga është shembur plotësisht si pasojë e rrëshqitjes së dheut.

“Ekipet e Drejtorisë për Siguri dhe Emergjenca, Inspekcionit, KEDS, Ujësjellësit dhe Policisë ndodhen në vendin e ngjarjes dhe kanë ndërmarrë të gjitha masat e nevojshme për sigurimin e zonës dhe parandalimin e rrezikut për qytetarët”, thuhet në njoftim.

Ata gjithashtu kanë njoftuar se rruga është e bllokuar për qarkullim.

“Lusim qytetarët që të shmangin këtë segment dhe të ndjekin udhëzimet e autoriteteve në terren. Për çdo informacion shtesë, do të njoftoheni me kohë”, ka thënë Komuna e Prishtinës. /Lajmi.net/

Postimi i plotë: