Ambasadori britanik në Kosovë, Jonathan Hargreaves, ka mirëpritur mbështetjen që i dha Asambleja Parlamentare Kosovës për anëtarësim në Këshill të Europës.

Ai tha se vendi i tij do të punojë me Kosovën që të ketë sukses edhe në vendimin e Komitetit të Ministrave.

“E mirëpres votën e APKE në favor të anëtarësimit të Kosovës në Këshill të Europës. Mbretëria e Bashkuar mezi pret të punojë me Kosovën në hapat e ardhshëm për një vendim pozitiv nga Komiteti i Ministrave”, ka shkruar ai sot në X.

I welcome the @PACE_News vote in favour of Kosovo’s @CoE membership. The 🇬🇧 looks forward to working with 🇽🇰 on the next steps towards a positive decision by the Committee of Ministers.

— Jonathan Hargreaves (@jonhargreaves67) April 18, 2024

Të martën, Asambleja Parlamentare e Këshillit të Europës më një shumicë votash votoi pro një raporti që rekomandon anëtarësimin e Kosovës në këtë organizatë.

Votimi i radhës final do të jetë në maj në Komitet të Ministrave.