Zbulohet arsyeja përse 30-vjeçari mbyti nënën në Elbasan

Një ngjarje e rëndë tronditi mëngjesin e së enjtes qytetin e Elbasanit.

Lajme

21/04/2016 23:28

Ardit Zenelhoxha, akuzohet se ka mbytur nënën e tij rreth orës 07:10.

Krimi brenda familje ka ardhur në mënyrë të papritur për të afërmit dhe fqinjët, që e njihnin 30-vjeçarin si person të qetë dhe të edukuar.

Arditi, i pa martuar, ka mbytur me duar nënën e tij 69-vjeçe Nedije Zenelhoxha, ndërsa ajo ndodhej në gjumë në dhomën e saj, raporton Panorama.

Nga hetimet paraprake dyshohet se veprimi ekstrem i tij ka ardhur në kushte të rënda psikologjike.

Burime të “Panorama” bëjnë me dije se i riu ishte prekur nga episode depresive pasi një javë më parë ishte larguar nga puna.