“Në tubim u diskutua për dëmet që shkaktojnë marrëveshjet me Serbinë dhe demarkacioni me Malin e Zi. Po ashtu pjesëmarrësit debatuan për angazhimin e mërgatës shqiptare në kundërshtim të këtyre marrëveshjeve.

Bashkatdhetarët ishin tejet të zhgënjyer me Qeverinë e Kosovës, e cila sipas tyre nuk e mbron Republikën e Kosovës dhe njëkohësisht e lufton opozitën në mënyrë brutale duke keqpërdorur policinë dhe duke arrestuar të zgjedhurit e popullit.

Në takim pjesëmarrësit u informuan se të shtunën më 19 dhjetor në ora 15:00 para Ambasadës të Republikës së Kosovës në Berlin organizohet protestë kundër këtyre marrëveshjeve. Nga Hageni nisja bëhet në mënyrë të organizuar dhe udhëtimi është falas”, njoftoi VV.