Veseli: Kudo ku merren vendimet, aty do të jenë gratë – Lajmi.net
Veseli: Kudo ku merren vendimet, aty do të jenë gratë
Autori: Lajmi.net LajmeZgjedhjet Lokale 2017 19:22, 12 October 2017
Kreu i PDK-së, Kadri Veseli, bashkë me kandidatin e PDK-së për Kryetar të Ferizajt, Agim Aliu, kanë marrë pjesë në një tubim elektoral me gra ndërmarrëse dhe kryefamiljare në Ferizaj.

Veseli ka thënë se vizioni i Partisë Demokratike të Kosovës për zhvillimin ekonomik dhe mirëqenien qytetare nuk mund të kuptohet pa gjithëpërfshirjen e grave në politikë, biznes dhe menaxhim të institucioneve, thuhet në njoftimin e PDK-së.

“Partia Demokratike e Kosovës ka platformë të qartë për gratë dhe ofron lehtësira të plota fiskale për gratë sipërmarrëse, mbështetje të plotë për projektet e grave në shoqërinë civile dhe fuqizim të rolit të tyre në institucionet e shtetit, prandaj në këto zgjedhje kemi kandiduar tri gra për kryetare të komunave”, ka thënë Veseli.

Brenda një mandati, Veseli ka thënë se Forca e Ndryshimit e Partisë Demokratike të Kosovës, Ferizajn dhe gjithë komunat e Kosovës do t’i kthej nga qendra të burokracisë shtetërore, në qendra të zhvillimit ekonomik lokal.

“Kudo ku do të qeverisë Partia Demokratike e Kosovës do të dëgjohet zëri i grave. Ky është vizioni i PDK-së dhe i Agim Aliut si kryetar”, ka thënë Veseli.

Ndërsa, kandidati i PDK-së për Kryetar të Ferizajt, Agim Aliu, ka thënë se zëri i gruas do të dëgjohet në vendimmarrje, në udhëheqje të proceseve dhe në projekte biznesore, transmeton lajmi.net.

“Aty ku merren vendimet për qytetarët e Ferizajt, aty do të jenë edhe gratë”, ka thënë Aliu.

Duke mbështetur PDK-në, Aliu ka thënë se qytetarët mbështesin veten e tyre, familjet e tyre dhe perspektivën ekonomike të Ferizajt. /Lajmi.net/

Fjalët kyçe: Kadri Veseli, pdk

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Berry Rush
  • Play iStunt 2
  • Play Bike Rivals
  • Play Pro Kicker Frenzy