Ukraina tërheq ushtrinë e saj nga Krimea
Presidenti në detyrë i Ukrainës, Oleksandr Turchnyov, i ka dhënë urdhër Ministrisë së mbrojtjes, për të tërhequr të gjitha forcat e saja ushtarake nga gadishulli Krimesë.
Bota
Urdhri është dhënë për shkak të siç ka thënë ai, kërcënimeve nga ana e ushtrisë ruse për ushtarakët e Ukrainës dhe familjarët e tyre.
Njoftimi për tërheqjen e ushtrisë vjen disa orë pasi që trupat ruse duke përdorur granata çorientuese dhe gjuajtjet nga armët automatike, hapën rrugën e tyre për të depërtuar në bazën e marinës ukrainase Feodosia.
Gjatë marrjes së kësaj baze ushtarake, nuk ka patur të plagosur, raporton RFE.
Kjo bazë ishte ndër objektet e pakta ushtarake të Ukrainës në Krime që ende po mbante flamurin ukrainas.
Vetëm në fundjavë, dy baza të tilla janë marrë nga ana e ushtrisë ruse.
Ministria e mbrojtjes e Rusisë bëri më dije një ditë më herët se tashmë flamuri rus, valon në mbi 189 lokacione ushtarake në Krime.