Duke e komentuar përplasjen e fundit në këtë organizatë, Thaçi në një intervistë për Expressi ka treguar se sa humb ky subjekt politik nga ky skandal dhe a ishte i pritshëm qëndrimi i mbrëmshëm i kryetarit Visar Ymeri, i cili dukshëm doli kundër kandidimit të Albin Kurtit për të parinë e partisë.

“Ky është një problem i madh dhe cenim i parimit për t’u zgjedhur dhe kandiduar për kryetar partie andaj mendoj se ky është problem. Ishte normale edhe reagimi i njerëzve brenda VV-së”, thotë nder tjerash Thaçi.

‘Unë kam pas informata shumë sipërfaqësore që ekzistojnë disa fërkime aty, por nuk kam pas dijeni dhe ende vazhdoj mos me qenë i informuar për krejt dallimet edhe fërkimet dhe arsyet e motivet e të këtyre dallimeve, normalisht që nuk e kam prit të ndodh kjo përçarje dhe mënyra se si ka dalë në publik. Për shkak se nuk kam besuar që ekziston një kundërshti kaq e madhe aty në mes të disa personave karshi Albinit dhe të tjerëve, d.m.th ka qenë e papritur për mënyrën se si ka dalë më shumë sesa për dallime sepse pothuajse të gjithë e kanë ditë që ka dallime dhe mos pajtime,’ është shprehur Thaçi.