Në ceremoninë e pritjes së presidentit Thaçi shihet se është kryeministri i Armenisë, Nikol Pashinian, Sekretarja e Përgjithshme e Frankofonisë, Michawlle Jean, si dhe bashkëshortët e tyre, shkruan lajmi.net.

Gjatë këtij samiti, presidenti Thaçi pritet të takohet edhe me liderë të vendeve frankofone.

Ky samit i krerëve të shteteve dhe qeverive është instanca më e lartë e Organizatës Ndërkombëtare të Frankofonisë, ku Republika e Kosovës është anëtare vëzhguese që nga viti 2014, derisa gjatë këtij samiti pritet të na avancohet edhe statusi.

Kjo organizatë bashkon 84 shtete dhe qeveri anëtare, që kanë të përbashkët gjuhën frënge dhe vlerat që i ndajnë vendet e Frankofonisë. /Lajmi.net/