Por, për ata të cilët mendojnë të martohen para se të përfundojnë studimet dhe të kenë një karrierë në jetë, një studim i ri sugjeron se të martohesh herët nuk është mirë, të paktën për trupin.

Në fakt, hulumtuesit kanë sugjeruar se të martohesh para se të diplomohesh, do të jeni për 65% më të prirë për t’u bërë i trashë, transmeton Lajmi.net.

Kjo, sugjerojnë ata, ndodh për shkak që njerëzit kanë tendencë që të ushtrojnë më pak dhe të hanë më shumë kur të martohen.

Hulumtuesit shikuan të dhënat e rreth 14,000 individëve në gjithë botën. Ata krahasuan indeksin e masës trupore të pjesëmarrësve para dhe pasi u diplomuan nga universiteti, dhe gjithashtu shikuan kohën kur ata ishin martuar.

Pjesëmarrësit u klasifikuan si të trashë në qoftë se IMT-të e tyre ishin të barabartë ose më shumë se 30, transmeton Lajmi.net.

Autori kryesor i studimit, Richard Allen Miech, nga Universiteti i Miçiganit, tha: ”Njerëzit të cilët martohen herët para se të diplomohen nga universiteti janë rreth 65% më të prirë që të bëhen të trashë më vonë se ata të cilët martohen pas kryerjes së universitetit.”

Përderisa shkalla e diplomimit ka treguar të jetë e lidhur me nivele të ulëta të trashjes, rezultatet e këtij studimi tregojnë se përfitimet shëndetësore universitetit nuk rriten për njerëzit të cilët martohen para diplomimit.