Zv.kryeministri dhe ministri i Jashtëm, Hashim Thaçi, sot ka qëndruar në vizitë zyrtare në Mal të Zi.

Vizita ka ngjallur reagime të ashpra te një pjesë e qytetarëve atje, kryesisht të komunitetit serb, të cilët kanë protestuar me parulla ku Thaçi cilësohej edhe kriminel lufte.

Mediat malazeze, kanë raportuar se organet e rendit kanë ngritur nivelin e gatishmërisë në maksimum, duke rritur e sigurisë, ngjashëm me ato të vizitës së ish presidentit amerikan, Bill Clinton, në Podgoricë.

Përveç tjerash, lajmi.net, ka siguruar një video, ku udhëtimin e Thaçit, nga Podgorica për në Ulqin, autoritetet malazeze ja kanë siguruar me helikopter, për të shmangur ndonjë të papritur gjatë rrugës.

Raportimet e mediave atje, kishin shkuar aq larg, sa kanë raportuar edhe për rrezikun e ndonjë atentati ndaj shefit të diplomacisë kosovare. (lajmi.net)