Shoqata e pacientëve i reagon ashpër Qeverisë për ndarjen e 30 mijë eurove Bujar Bukoshit – Lajmi.net
Shoqata e pacientëve i reagon ashpër Qeverisë për ndarjen e 30 mijë eurove Bujar Bukoshit
Autori: Lajmi.net LajmeNacionale 12:16, 7 December 2017
Bujar Bukoshi
Bujar Bukoshi
Kryetari i Shoqatës për të Drejtat e Pacientëve, Besim Kodra, ka reaguar ndaj financimit të Qeverisë për shërimin jashtë vendit të Bujar Bukoshit me 30 mijë euro. Kodra ka thënë se kryeministri nuk do të duhej të diskriminonte pacientët me subvencionimin për shërim.

“Është gjë e mirë kur Kryeministri përkujdeset për shëndetin e qytetarëve të tij, por kjo duhet të ket një standard dhe të bëhet për të gjith njësoj, pa diskriminim, ashtu siç është e paraparë në Kushtetutë!”.

“Subvencionimi i pacientëve të caktuar nga Qeveria e Kosovës për trajtim jashtë vendit, është diskriminim i skajshëm ndaj pacientëve të tjerë, të cilët mund edhe të vdesin nga pamundësia për të patur ndikim tek Kryeministri!”, ka shkruar Kodra.

Kodra ka reaguar ashpër tutje duke thënë se njeriu i fundit që do të duhej të financohej, është Bukoshi.

“Ky njeri është i fundit që është dashur të ket këtë privilegj, pasi që një pjesë të madhe të përgjegjësisë për degradimin e shëndetësisë e bartë edhe vet si ish minister i shëndetësisë!”, ka deklaruar Kodra.

Ai ka bërë thirrje që praktikat e tilla të ndërpriten, sepse janë kundërligjore, jo humane dhe diskriminuese.

“Megjithatë, ky rast e ka vetëm një të mirë, atë që u’a bënë me dije të gjithë politikanëve se një ditë do të jeni pacientë dhe do të keni nevojë për këtë shëndetësi!”, ka përfunduar ai.

 

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play World Soccer Champion
  • Play Urban Basketball
  • Play Stealth Sniper
  • Play Bow Master