Shkollat pa emra në Vushtrri – Lajmi.net
Shkollat pa emra në Vushtrri
Autori: Lajmi.net LajmeNacionale 12:20, 13 January 2018
Gjashtë shkolla fillore në Komunën e Vushtrrisë nuk janë të emërtuara.

Kjo situatë po i përcjell ato që nga themelimi i tyre.

Dy shkolla fillore të cilat gjenden në qytetin e Vushtrrisë e të cilat njihen si shkolla “SHMU-1” dhe “SHMU-2” , si dhe katër  shkollat në fshatrat Mihaliq, Nedakoc, Akrashticë, dhe  Lummadh, sipas drejtorit të arsimit në këtë komunë Agim Namanit kanë mbetur pa u emërtuar.

Ai arsyetohet në numrin e madh të propozimeve për emrat e tyre.

“Këto shkolla janë pa emra që nga themelimi i tyre. Shkollat kanë mbetur pa u emërtuar për shkak se ka shumë propozime”, tha Namani për KALLXO.com.

Namani shtoi se emërtimi i këtyre shkollave është obligim por propozimet për emrat e shkollave u takojnë këshillit drejtues të shkollës.

“Konsiderojmë se është obligim emërtimi i tyre, por procedurat për propozime të emrave të shkollave i takojnë këshillit të shkollës dhe ne do të shqyrtojmë inicimin e procedurave”, nënvizoi Namani.

Deri në vitin 2016 kanë qenë edhe tri shkolla të tjera të paemëruara në fshatrat e Vushtrrisë, por emërimi i tyre është bërë gjatë atij viti.

“Gjatë vitit 2016 me iniciativën e këshillit të shkollës janë emëruar tri shkolla në Zhilivodë, Reznik dhe Bukosh të Vushtrrisë”, tha Namani.

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play Stealth Sniper
  • Play Bike Rivals
  • Play Berry Rush