Ministri Drejtësisë së Serbisë, Nikola Selakoviq, ka thënë se Gjykata Kushtetuese nuk është organi përgjegjës për të vlerësuar kushtetueshmërinë e Marrëveshjes se Brukeslit, pasi që, sipas tij, bëhet fjalë për një akt politik dhe jo juridik.

Kjo ishte përgjigja e Selakoviqit ndaj kërkesës së Partisë Demokratike të Serbisë, të cilët kërkuan që Marrëveshja e 19 prillit të vitit të kaluar të arritur në mes të Kosovë dhe Serbisë, të dërgohen në Gjykatën Kushtetuese të Serbisë.

“Gjykata Kushtetuese nuk është e thirrur që të vlerësojë akte politike, pasi që me këtë, do t’ia merr rolin Qeverisë së Serbisë për përcaktimin e politikave”. 

Këto komente ministri serb i drejtësisë i bëri gjatë një seance publike të mbajtur në kushtetuesen serbe, ku po marrin pjesë edhe përfaqësues të qeverisë serbe si dhe ekspert ligjor.

Selakoviq ka vlerësuar se konteksti politik është i tillë që, sipas tij, “autonomia substanciale të Kosovës dhe Metohisë” duhet të përcaktohet në negociata me Prishtinën përpara se të bëhet një ligj më adekuat kushtetues.