Rita Ora dhe Calvin Harris po lëvizin së bashku. Këngëtarja shqiptare po mendon të vendoset në Beverly Hills të Shteteve të Bashkuara të Amerikës, së bashku me të dashurin e saj, me të cilin janë bërë bashkë një vit më parë, në tentim për ta ruajtur dashurinë e tyre, e cila rezikonte të shkatërrohej nga largësia.

“Nuk është sekret se kishte periudha gjatë vitit që shkoi kur ata ishin të mërzitur dhe të lodhur nga njëri tjetri. Nuk është e lehtë për një çift të ri të shpenzojë javë larg njëri tjetrit”, thotë një burim brenda çiftit.

– “Gjatë Krishtlindjeve, Calvin ka kërkuar nga Rita që të lëvizin drejt Los Angelesit me banim, kështu që ata do të lidheshin edhe më shumë. Ai beson se lidhja e tyre mund të zgjasë dhe të përforcohet, nëse qëndrojnë afër njëri tjetrit”, vazhdon burimi.

23 vjeçarja ishte përzënë nga apartamenti që e kishte marrë me qira në Londër, për shkak të ndejave që i mbante natën dhe prishjes së qetësisë së komshinjve.

“Ritës i duhej kohë për ta marrë një vendim. Është një hap i madh. Mirëpo, ajo kalon shumë kohë në LA dhe ka miq atje. Kështu që, ajo e di se kjo është gjëja e duhur që duhet bërë. Calvin ishte i lumtur kur Rita iu përgjigh me po”, përfundoi ky burim. 29 vjeçari skocez është DJ i njohur botëror.