Janë arrestuar dy persona të moshës së re, nën dyshimin se kanë dhunuar dy vajza, njëra prej tyre e moshës 16 vjeçare.

Policia Rajonale e Prizrenit ka ndërmarrë këtë aksion pasi që ka marrë një informatë nga kolegët e tyre në Suharekë.

Hetuesia ka mbledhur të gjitha provat materiale dhe i ka dërguar në laborator për ekzaminin. Ndërkaq, me urdhër të Prokurorit të Shtetit, personat e arrestuar u është shqiptuar masa e arrestit policor.

Ndërkaq, rreth orës 12:50 në Lagjen Dardania, në Prizren në bodrumin e lokali afarist ka pasur një rrjedhje gazi dhe si pasojë e kësaj ka ndodhur një eksplodim.

Nga ky eksplodim kanë marrë plagë pesë persona të cilët janë dërguar në Emergjencë në Prizren.

Njëra prej të lënduarve, e gjinisë femërore është transferuar në QKUK në Prishtinë.

Në vendngjarje kanë dalë njësitet relevante dhe së bashku me Prokurorin e Shtetit kanë kryer ekzaminimet e duhura.

Për këtë rast ka ndihmuar edhe njësiti i Zjarrfikësve të Prizrenit, thuhet në komunikatën e Policisë së Kosovës.