Policia e Kosovës arreston serbin e kërkuar nga Interpoli
Vetëm një javë i ka mjaftuar Policisë së Kosovë për të arrestuar një person të kërkuar nga Interpoli.
Lajme
Ai është arrestuar në fshatin Leshak në komunën e Leposaviqit, është serb nga Serbia ndërsa fletë arrestin për të e ka lëshuar Mali i Zi, raporton lajmi.net.
Zëvendëskomandanti i Policisë së Kosovës për rajonin e veriut, Besim Hoti tha për lajmi.net se fletë arresti për tashmë të arrestuarin, është lëshuar për veprën penale – vrasje në tentativë.
Policia e Kosovës ka pranuar fletë arrestin për të vetëm një javë më parë dhe kur është arrestuar tek ai kanë gjetur edhe një sasi të fishekëve.(lajmi.net)