K.M 31 vjeçar nga Vushtrria dyshohet të jetë vrarë mesnatën e mbrëmshme. 31 vjeçari është gjetur pa shenja jete në mesnatën e së hënës afër fabrikës ‘Llamarina”, në Vushtrri. Se ka motive të vrasjes së 31 vjeçarit ka thënë edhe zëdhënësi i policisë rajonale në Mitrovicë, Avni Zahiti.

“Ende nuk ka diçka konkrete. Hetuesit janë duke e pritur raportin e Mjekësisë Ligjore. Ka dyshime për elemente të vrasjes. Do të jetë Mjekësia Ligjore ajo e cila do ta zbardhë rastin”, ka thënë Zahiti për Express.

E ndërkohë familjarët e kanë raportuar si të zhdukur 31 vjeçarin i cili kishte dalë nga shtëpia të dielën në orën 07 të mëngjesit.