Partia Demokratike e Kosovës ende nuk ka vendosur se a do të marri pjesë në tryezën e thirrur të LDK-së, ku synohet të diskutohet për zgjedhjet e parakohshme.

Lidhja Demokratike e Kosovës njoftoj një ditë më parë se u ka dërguar ftesa zyrtare të gjitha partive që të marrin pjesë në tryezë, mirëpo PDK nuk e sheh të rëndësishme shkuarjen në një takim të tillë.

“Jo ende nuk kemi vendosur nëse do të shkojmë”, ka thënë shkurt për lajmi.net, deputetja e PDK-së, Blerta Deliu.

Në lidhje me pjesëmarrje në këtë tryezë nuk ka konfirmim zyrtar as nga Grupi i Deputetëve të Pavarur. Deputetja e këtij grupi, Shqipe Pantina, në një bisedë telefonike për lajmi.net, e ka cilësuar të rëndësishëm takimin.

Kujtojmë, se Aleanca për Ardhmërinë e Kosovës, Nisma Socialdemokrate dhe Aleanca Kosova e Re kanë konfirmuar pjesëmarrjen në takim. /Lajmi.net/ 

Lexo edhe:

Kush merr pjesë sot në tryezën e LDK-së?