Pala serbe, gjatë bisedimeve në Bruksel, janë pajtuar që të heqin pishat dhe pjesën e gjelbërt të vendosur mbi këtë urë, por kanë hezituar që kjo të bëhet menjëherë, për shkak të sigurisë, bëjnë të ditur, burime të gazetës serbe “Veçernje Novozti”.

Sipas kësaj të përditshme, për këtë, pala serbe ka gjet mirëkuptim edhe nga ana e zyrtarëve të BE-së.

Pothuajse ngjashëm ka deklaruar edhe ministrja pa Portofol e Kosovës, Edita Tahiri, e cila është e ngarkuar për dialog me Beogradin. Tahiri në një deklarat të bërë pak ditë më parë kishte thënë se dy palët, gjatë takimit të fundit në Bruksel, i kanë përafruar mjaftë qëndrimet sa i përket të ashtuquajturit “Parkut të Paqes”, transmeton lajmi.net.

Mirëpo, hezitimi i palës serbe në këtë rast, ka qenë që kjo urë të mos shërbejë më për komunikacion, por vetëm si shëtitore për këmbësor nga të dyja anët e Mitrovicës, kanë bërë të ditur këto burime. (lajmi.net)