Një vit e tetë muaj: Femra që bëri bujë për humbjen e 92 kilogramëve (Foto/Video)
Më 29 gusht të vitit 2014, Simone Anderson, një 25 vjeçare vendosi të ndryshojë komplet stilin e jetës së saj, e cila atë kohë peshonte 169 kilogramë.
Lifestyle
Më 29 tetor, ajo kishte hyrë në një operacion të lukthit dhe në më pak se 12 muaj ajo arriti diçka mbresëlënëse duke larguar 92 kilogramë, transmeton lajmi.net.
Femra e cila vendosi t’i nënshtrohej një operacioni nëntë orësh për të hequr lëkurën e saj të tepërt, sot gëzon trupin e saj perfekt dhe shfaq pa turp transformimin e saj nga mbipesha e tepërt.
“Unë kam ndryshuar krejtësisht stilin e jetës time, tani bëjë dietë dhe stërvitje. Jam tridhjetë e tri javë nga ajo që hoqa, por tani jam krenare për trupin tim”, tha ajo.
Ajo gjithashtu ka thënë se edhe pas heqjes së mbipeshës, ajo ka rritur ushtrimet duke mos ndaluar asnjëherë, duke përfshirë këtu palestrën, vrapimin në ajër të pastër, dhe ushtrimet tjera të panumërta.
Këshilla e saj për të tjerët, sidomos për gjininë femërore është mbajtja e dietave dhe zgjedhja e stërvitjes.
Ajo ka thënë se tani ndihet edhe më e bukur fizikisht dhe shpirtërisht, pasi që pesha gjithmonë i ka shkaktuar dhembje të herëpashershme, vuajtje dhe turp.
Arsyeja pse ajo humbi peshën, dhe largoi lëkurën e tepërt është jo vetëm se donte të dukej mirë, por edhe pse donte të ndihej mirë, dhe sigurisht ajo iu është plotësuar, sepse tani ka thënë se e jeton jetën që kurrë se kishte pasur deri sot./lajmi.net