Nikoliq mandaton Vuçiqin për krijimin e qeverisë së re

Presidenti i Serbisë, Tomislav Nikoliq deklaroi sot se ka mandatuar Aleksandar Vuçiqin, i cili drejtoi koalicionin elektoral “Serbia drejt fitores”, për formimin e qeverisë së re, pasi ky i fundit e bindi presidentin për zotërimin e mazhorancës së kërkuar parlamentare.

Lajme

23/05/2016 19:02

“Vuçiq ishte i vetmi që paraqiti një program lidhur me faktin sesi e konceptonte qeverinë dhe prioritetet që ajo duhej të përmbushte”, deklaroi Nikoliq, pas konsultimeve me përfaqësuesit e kësaj liste elektorale.

“Çdokush e dinte se Partia Progresive Serbe e Vuçiqit fitoi më shumë vende në parlament dhe rezervon të drejtën të kërkojë mandatin për formimin e qeverisë”, theksoi Nikoliq.

”Kjo qeveri do të përballet me shumë sfida, përfshirë situatën në BE, krizën e migrantëve, rritjen e partive të ekstremit të djathtë në të gjithë Evropën”, vijoi ai. /Tanjug/