Presidenti i Serbisë, Tomislav Nikolic, ka thënë se luftërat në vendin e tij kanë marrë jetët e një të tretës të popullatës dhe se vendi është përpara reformave për një jetë më të mirë.

Nikolic i cili ka zhvilluar sot një takim me Presidentin e Austrisë, Heinz Fischer, me anë të një postimi në rrjetin social Tëitter, ka thënë se Austria ka qenë shembull për Serbinë përkitazi me krijimin e një shteti modern.

“Për Serbinë, nuk ka më luftëra”, ka porositur Nikolic, i cili ndodhet për një vizitë zyrtare në Austri.

“Luftërat kanë marrë jetët e një të tretës së popullit tonë, kanë ndryshuar strukturën tonë gjenetike, ndërkohë që nuk kemi marrë atë që na ka takuar, edhe pse ishim në anën e fituesit. Për këtë arsye, për neve nuk ka më luftëra”.