Dy të armatosurit për të krijuar frikë dhe panik kanë shtënë me armë në drejtim të panjohur. Krismat kanë alarmuar banorët e fshatit, të cilët janë mbledhur, gjë që ka bërë që të dyshuarit të ikin në drejtim të panjohur, raporton Kosovapress.

Policia në vendin e ngjarjes ka gjetur dhe sekuestruar katër gëzhoja të kallashnikovit.

Ndërkaq në vendkalimin kufitar afër fshatit Orqushë, vazhdon puna në mënyrë normale.

E në brezin kufitarë me Shqipërinë tash e tutje do të ketë patrullime të përbashkëta të Policisë së Shqipërisë dhe të Kosovës, dhe do të shkëmbejnë informacione në baza ditore e sipas nevojës edhe më shpesh.

Patrullimi i përbashkët ka të bëjë me dyshimin e bazuar se personat e tillë mund të jenë nga fshatrat e shtetit shqiptar, pranë brezit kufitar, ndërsa policia e Sharrit (Dragashit) është zotuar të kryejë hetime në territorin e kësaj komune, pasi që akoma nuk dihet se kush janë autorët e këtij rasti.