Lekaj vizitoi sot Klinën, nënshkruan marrëveshje bashkëpunimi me kryetarin e kësaj komune – Lajmi.net
Lekaj vizitoi sot Klinën, nënshkruan marrëveshje bashkëpunimi me kryetarin e kësaj komune
Autori: Lajmi.net EkonomiLajme 14:41, 30 March 2018
Ministri i Infrastrukturës, Pal Lekaj i shoqëruar nga zëvendësministri Rexhep Kadriu, vizitoi sot komunën e Klinës. Gjatë kësaj vizite ministri Lekaj u prit nga kryetari i kësaj komune, Zenun Elezaj dhe diskutuan për planet infrastrukturore dhe aktivitetet e parapara në infrastrukturën rrugore të Klinës.

 

Pas këtij takimi ministri Lekaj dhe kryetari Elezaj nënshkruan një marrëveshje bashkëpunimi për realizimin e projekteve të përbashkëta në këtë komunë.

Në fjalimin e tij adresuar mediave, ministri Lekaj u zotua se Ministria e Infrastrukturës do të jetë mbështetje e fuqishme e Klinës, në mënyrë që të gjitha projektet infrastrukturore të implementohen me kohë dhe brenda rregullave ligjore.

“Ne po e vazhdojmë traditën dhe mbështetjen për të gjitha komunat që kanë impakt pozitiv tek qytetarët, duke e ditur gjendjen e infrastrukturës rrugore në Klinë dhe mendoj që ky memorandum i mirëkuptimit apo mbështetje e këtyre projekteve do të ndikoj pozitivisht tek qytetarët. U zotuam tek kryetari që ne do të mbështesim edhe shumë projekte tjera përpos kësaj shifre që është afro 2 milion e 200 mijë euro. Në të ardhmen do t’i mbështesim projektet tjera, kryetari i komunës së Klinës me bashkëpunëtor do të kenë mbështetjen e Ministrisë së Infrastrukturës dhe Qeverinë Haradinaj për mbështetje edhe në segmente të tjera”, deklaroi ministri Lekaj.

Duke falenderuar ministrin Pal Lekaj, kryetari Zenun Elezaj deklaroi ” Jemi  në mbështetje të projekteve të cilat kanë qenë në vazhdimësi, por edhe projekte të reja që do fillojnë në infrastrukturë për komunën e Klinës e që kanë të bëjnë me ndërtimin e rrugës Sferkë-Përqevë, tranzitit apo unazës së qytetit e cila do të fillon së shpejti me firmosjen e këtij memorandumi, rrugët e fshatit Poterq, rrugët e fshatit Krushevë e Madhe dhe pjesë të rrugëve të tjera të cilat kanë filluar vitin e kaluar dhe do të vazhdojnë edhe këtë vit” . ​

Fjalët kyçe: Klina, Ministri Lekaj

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play World Soccer Champion
  • Play Urban Basketball
  • Play Rock Wheels
  • Play Bow Master Japan