Shumë shpejt pritet të hapet konkursi i ri për zgjedhjen e Avokatit të Popullit, proces i cili dështoi të kryhet nga deputetët e Kuvendit të Kosovës, transmeton Kohavision.

Por, vonesat dhe zvarritjet në këtë proces kanë bërë që zgjedhja e mbrojtësit të të drejtave të popullit të shtyhet deri pas zgjedhjeve të ardhshme të përgjithshme.

Konkursi i ri do të marrë së paku edhe një muaj tjetër, dhe vetëm pastaj do të mund të nisë përzgjedhja e emrave që dërgohen në Kuvend.

Partitë politike thonë se e kanë kryer punën e tyre dhe se gjithçka ka shkuar në bazë të ligjit dhe rregullores. Por rregullorja, që është akt nënligjor, ishte përdorur kur u vendos të shpallet konkursi i ri, e jo të shkohej në votim, transmeton KTV.