Austria qe një kohë të gjatë shërben si një qendër e ekstremistëve islamikë, të cilët përmes Ballkanit Perëndimor pretendojnë të udhëtojnë në Siri apo Irak.

Kurz të hënën, gjatë arritjes në Prishtinë, do të ketë takim me Presidenten e Kosovës Atifete Jahjagen, Ministrin e Brendshëm Skënder Hysenin, si dhe me përfaqësues të bashkësive fetare në vend, transmeton lami.net.

Së bashku me presidenten Jahjaga, ministri i jashtëm austriak do të marrin pjesë në hapjen e një ekspozite në katedralen “Nënë Tereza” në Prishtinë.

Të martën Kurz do të takohet me homologun e tij kosovar, Hashim Thaçin si dhe me kryeministrin Isa Mustafa.

Më pas, ai do të udhëtojë për në Maqedoni, ku do të takohet me kryetarin e Bashkimit Demokratik për Integrim (BDI), Ali Ahmetin.

Vizitën e tij në Maqedoni, Kurz do ta vazhdojë deri të mërkurën, kur do të takohet me shefin e diplomacisë së këtij shteti, Nikola Poposki-n dhe kryeministrin Nikola Gruevski, si dhe me përfaqësues opozitarë.