Kurti thotë se Vuçiq po dëshiron marrëveshje fitimtare vetëm për Serbinë
Lideri i Vetëvendosjes, Albin Kurti, është shprehur se presidenti serb, Aleksander Vuçiq po dëshiron një marrveshje fitimtare për Serbinë, në mënyrë që të fitojë bindshëm referendumin për ndryshimet kushtetuese atje.
Lajme
Sipas tij, një marrëveshje e tillë do të ishte e dëmshme për Kosovën.
Ky është postimi i plotë i Kurtit në Facebook:
“Kosovën po duan ta bëjnë kurban për integrimin evropian të Serbisë dhe për çintegrimin e Thaçit nga Gjykata Speciale. Vuçiqi do marrëveshje fitimtare për Serbinë, që ta fitojë bindshëm referendumin për ndryshimet kushtetuese atje. E tillë mund të jetë vetëm një marrëveshje fort e keqe për Kosovën.
Por, Vuçiqit edhe po i ngutet, sepse: 1) Thaçi do t’i bëhet i papërdorshëm porsa ta akuzojë Gjykata Speciale; 2) Mogherini mbyll zyren para fushatës për zgjedhjet evropiane të Majit 2019; 3) Marrëveshja duhet bërë gjersa Kosova ende nuk ka ushtri dhe Lëvizja jonë ende s’është qeveria e re.”/Lajmi.net/