Kosovari kapet me tre pistoleta në pikën kufitare të Morinës
Tre pistoleta, tip “Glock” si dhe 25 fishekë iu gjetën një shtetasi nga Kosova që udhëtonte drejt Shqipërisë këtë të dielë. H.M. 44 vjeçar nga Prishtina, udhëtonte me një makinë tip Seat, kur u ndalua në pikën kufitare dhe u përzgjodh nga policët për t’u kontrolluar.
Lajme
“Gjatë kontrollit fizik, poshtë xhupit ju gjetën dhe sekuestruan në cilësinë e provës materiale , 3 armë zjarri Pistoletë, tip “Glock”, 25 fishekë” thuhet në njoftimin e policisë.
Nuk ka informacion për çfarë qëllimi po futeshin armët në Shqipëri, por i arrestuari është marrë në pyetje për të zbuluar bashkëpuntorët e mundshëm, shkruan lapsi.al.
