“Do t’i përdorim të gjitha mjetet e nevojshme për të parandaluar këtë seancë edhe pas pauzës, do ta shihni pas një ore”, ka thënë Konjufca.

Ndërsa i pyetur se si do të reagonin nëse do të ndërhynte policia, Konjufca ka thënë se ky do të ishte një mashtrim nga kryeparlamentari, pasi ai ka premtuar se nuk do ta lejojë këtë.

Konjufca ka thënë se Kadri Veseli me presidenten Atifete Jahjaga po i kontribuojnë tensioneve në rritje dhe thellimin e situatës, nëpërmjet thirrjeve të seancave.

Sipas tij, edhe shoqëria civile ka bërë thirrje që të mos ketë seanca, pasi kjo do ta përshkallëzonte situatën.

“Qeveria nuk e ka marr parasysh asnjë argument të opozitës duke e larguar opozitën nga secilin vendim. Jemi të vendosur dhe nuk lëshojm pe derisa të anulohen marrëveshjet. Këta nuk janë për ta mbrojtur shtetin dhe me këta ka përfunduar argumenti dhe diskutimi”, ka thënë Konjufca. /lajmi.net