Konfirmohet nga policia vdekja e një personi në vendin e punës
Policia e Kosovës ka konfirmuar vdekjen e një personi në vendin e tij të punës në rrugën “Ferid Curri” në Prishtinë.
Lajme
Sipas raportit të policisë, personi kishte rënë nga një lartësi prej 11 metrash, ku po punonte në një objekt.
Ngjarja ka ndodhur pasditen e së hënës.
Gjatë tretmanit mjekësor, viktima ka vdekur në QKUK.
Me urdhër të prokurorit trupi i pajetë është dërguar në Institutin e Mjekësisë Ligjore për obduksion, ndërsa si i dyshuar është arrestuar një mashkull dhe i njëjti është dërguar në mbajtje.
