Kelmendi: Rinumërimi i 425 kutive dëshmoj se si u vodhën votat e Fjalës – Lajmi.net
Kelmendi: Rinumërimi i 425 kutive dëshmoj se si u vodhën votat e Fjalës
Autori: Lajmi.net LajmePolitikë 20:56, 29 June 2017
Kryetari i partisë Fjala, Gëzim Kelmendi ka thënë se përfundimi i rinumërimit të votave në 425 kuti të votimit, tregoj dhe vërtetoj se në këto zgjedhje kanë pasur parregullsi dhe keqpërdorim të votës së qytetarit.

“Nga këto parregullsi dhe keqpërdorime të votave, jemi dëmtuar më së shumti ne si Parti FJALA”, ka thënë ai, transmeton lajmi.net.

Njoftimi i plotë:

Përfundimi i rinumërimit të votave në 425 kuti të votimit, tregoj dhe vërtetoj se në këto zgjedhje kanë pasur parregullsi dhe keqpërdorim të votës së qytetarit.

Nga këto parregullsi dhe keqpërdorime të votave, jemi dëmtuar më së shumti ne si Parti FJALA.

Neve në fillim të procesit zgjedhor na dëmtuan koalicionet PAN, LAA dhe Lëvizja Vetëvendosje, ku padrejtësisht na mohuan komisionerët, ndërsa vetes së tyre ia siguruan në çdo vendvotim numër maksimal të komisionerëve 3+3+2.

Pastaj raportimet e vet komisionerëve të këtyre partive na treguan se si është dëmtuar vota e Partisë FJALA:

-duke i bë të pavlefshme,

-duke i transferuar në subjektet tjera politike,

-duke mos i deklaruar fare.

Tash përfundimi i rinumërimit të votave vërtetoj vjedhjen dhe dëmtimin e votës së Partisë FJALA.

Ngase para rinumërimit, në faqen zyrtare të KQZ Partia FJALA i ka pasur 7551 vota, ndërsa tash pas rinumërimit Partia FJALA i ka 7991 vota.

Dmth ky ndryshim i rezultatit vie vetëm pas rinumërimit të 425 kutive.

Çka do të ndodhte nëse do të rinumëroheshin tërë kutitë e votimit?

Edhe njëherë ne shprehim shqetësimin tonë për vjedhjen dhe dëmtimin e votave tona.

Turp për juve PAN, LAA dhe LVV që na dëmtuat dhe vodhët votat tona.

Ju dëshmuat edhe njëherë se për pushtet, nuk zgjedhni mjete.

Jeni të gatshëm edhe me vjedh votën e qytetarëve të Kosovës.

Por një gjë mbani në mend, se vullnetin kurrë nuk mundeni me na vjedhë.

Ne nuk dorëzohemi.

Ne do të vijmë edhe më fuqishëm.

 

Fjalët kyçe: Gëzim Kelmendi

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Turbo Racing 3
  • Play Bow Master Japan
  • Play Urban Basketball
  • Play Rock Wheels