Indi, 17 ushtarë të vdekur nga shpërthimi në depon e municionit
17 ushtarakë Indian kanë vdekur nga një zjarr masiv, që përfshiu një deponi me municion ushtarak në shtetit perëndimor të Maharashtras, bëjnë të ditura burimet zyrtare.
Bota
Zjarri që përfshiu depon e municionit, ka shkaktuar disa shpërthime, të cilat kanë detyruar banorët e fshatrave përreth që të evakuohen.
Zjarrfikësit janë duke tentuar të shuajnë zjarrin, nga i cili u lënduan 19 njerëz, ndërsa burimet bëjnë të ditur se në mesin e të vdekurve janë edhe dy oficerë ushtarakë.
Akoma nuk dihen shkaqet e zjarrit, ndërsa sipas burimeve, të paktën 1000 banorë përreth janë evakuuar, shkruan BBC.