I riu i PDK-së premton krijimin e ekipit të Prishtinës për gara ndërkombëtare të E-sport’s
Kandidati më i ri i PDK-së për Asamblenë Komunale në Prishtinë, Trim Syla, javë më parë kishte tërhequr një paralele interesante sesi politika e ndikimit rus përmes flukseve ilegale të imigrantëve po mundohej të dëmtonte fushatën e kancelares Merkel në Gjermani.
Lajme
Përpjekje për të krijuar flukse të shpërnguljes qytetare përmes metodave propaganduese kishte edhe në Kosovë, por pas zbulimit të disa militantëve të Vetëvendosjes, të cilët flisnin para kamerave, këto përpjekje u dekonspiruan dhe si me kurdisje nisi dhe përfundojë gjithçka.
I riu i PDK-së kishte thënë se ata që po e krijonin klimën e shpërnguljes nga Kosova po i bënin shërbim politikës antishqiptare, po rrënonin imazhin e shqiptarëve në shtetet perëndimore dhe po e dëmtonin procesin e liberalizimit të vizave.
Dje partia Vetëvendosje doli edhe me thirrje publike për mërgatën në Gjermani, që të mos e votojnë partinë e kancelares Merkel, por SPD-në, e cila ka afërsi edhe me Putinin.
Ndërsa, sot i riu i PDK-së, Trim Syla, një prej nxënësve dhe studentëve më të dalluar në Prishtinë, ka shpalosur edhe prioritetet e tij.
“PRIORITETET PËR TË CILAT DO TË JEM SHUMË I PËRKUSHTUAR SI ASAMBLIST I PRISHTINËS NGA PDK-ja:
Si një i ri prishtinas, duke njohur problemet me të cilat përballen të rinjtë, do të angazhohem fuqishëm në zgjidhjen e problemeve të tyre si dhe rritjen e ndikimit të tyre.
Duke pasur parasysh numrin e madh të të rinjve të komunës, do të propozoj krijimin e një Qendre Rinore, ku të rinjtë do të kenë mundësi të japin ide, të debatojnë dhe t’i shprehin mendimet e tyre.
* Do të kërkoj më shumë bursa për studentët e Prishtinës, pasi që buxheti për arsim çdo vit ka tepricë.
* Shumë të rinj kanë plot ide për biznes, mirëpo nuk kanë mundësi financiare, andaj do të kërkoj krijimin e fondit të ndërmarrësisë, ku secili projekt do të financohet nga komuna.
* Nga departamenti për sport do të kërkoj dhënien e bursave për sportistët e talentuar që do të krijonte mundësi që secili prej tyre të vazhdojë t’i ndjekë ëndrrat e veta.
* Do të përkrah krijimin e një ekipi me të rinjtë e Prishtinës, i cili do të marrë pjesë në gara ndërkombëtare të E-sport’s.”, ka shkruar kandidati i PDK-së për Asamblenë e Prishtinës, Trim Syla.