Polica e Kosovës i ka dërguar ftesën këngëtarit Gold AG, Arian Agushit, që më të enjten, më 27 shkurt, të paraqitet në Polici hetuese për t’u intervistuar në cilësinë e të Dyshuarit lidhur me rastin, vepër penale Nxitje e urrejtjes, përçarjes ose mosdurimit kombëtar, racor fetar apo etnik.

Një thirrje e tillë nga Policia duket të ketë ardhur për Gold AG pas publikimit të këngës së tij të fundit “Shqiptar” ku ai përdor fjalë ofenduese, racore, kundrejt serbëve, por edhe kundrejt homoseksualëve dhe poashtu ka fyerje në baza fetare.