Struktura e braktisur prej kohësh njihet nga vendasit si Gereja Ayam – ose Kisha e Pulës. Qindra turistë e vizitojnë atë nga kurioziteti.

Por, krijuesi i saj thotë se ajo nuk është as kishë dhe as pulë. Daniel Alamsjah punonte në Xhakarta, rreth 500 kilometra larg, kur krejt papritur pati një vizion hyjnor.

Ai tha se Zoti i kërkoi të ndërtonte një shtëpi për t’u lutur, në formën e një pëllumbi. “Për shkak të besimit tim, njerëzit mendonin se po ndërtoja një kishë,” tha 67-vjeçari.

Gjatë një shëtitje me të shoqen, ai pa këtë vend, që ishte fiks si vizioni në ëndrra. Pasi bleu tokën për 150 euro, nisi ndërtimin e kësaj godine. I gjithë procesi zgjati katër vite.

Fillimisht ajo nisi të funksiononte si qendër rehabilitimi për fëmijët me probleme, për të varurit nga droga dhe ata me çrregullime mendore. Në vitin 2000, për shkak të kostove të mëdha, ajo u mbyll. /mapo