Gashi në një prononcim për Klan Kosova ka thënë se si t’u besohet opozitarëve kur ata protestojnë kundër korrupsionit, ku dy prej tyre janë milionerë.

Ndërsa, duke përmendur një nga kërkesat e protestës, atë për RTK-në, Gashi ka thënë se, edhe këta opozitarë që sot po kërkojnë depolitizimin dhe defamiljarizimin e televizionit publik, do të vepronin njëjtë sikur të ishin në pushtet.

“Si liderët e AAK-së ashtu edhe ata të Nisma-s, kanë familjarë të punësuar në RTK. Ndërsa liderët e Vetëvendosjes nuk do të punësonin familjarët e tyre në televizionin publik, por këtë do ta bënin duke punësuar militantë partiakë”, ka thënë Gashi.