Më poshtë ju sjellim intervistën e plotë

Zoti Haradinaj çfarë ndodhi sot në gjykatë?

Ramush Haradinaj: Sot u mbajt seanca e dytë ekipi mbrojtës ka paraqitur argumentet për anulimin të fletëarrestit që vjen nga Serbia edhe kërkesës për lirimin me kusht dhe flitet për anulim e fletëarrestit dhe pritet me u shqyrtu pala se pala serbe s’ka dërguar argumentet e veta ende, ndërsa u pranua kërkesa jonë për lirim me kusht.

Si erdhi deri tek ndalimi i juaj nga autoritetet franceze?

Ramush Haradinaj: Jam ndaluar në aeroportin e Bazelit dhe për mua ka qenë diçka e pakuptueshme ky fletndalim, sepse në shumë vende ne Evropë e kanë anuluar këtë sepse është i papërdorshëm dhe kjo për mua ishte e pakuptueshme dhe e padrejtë si ndodhi.

Për çfarë konkretisht ju kërkon Serbia?

Ramush Haradinaj: Serbia ka një ndalim sipas një aktakuze të vitit 2004 për krime lufte, argumente akuza që i ka trajtua Tribunali i Hagës. Edhe është krejtësisht politik, i pa bazuar dhe i padrejtë.

Çfarë do të ndodhë deri në fund?

Ramush Haradinaj: Tani jam i liruar me kusht me garancën se nuk do ta lëshoj Francën deri në përmbyllje të këtij procesi un mbetem në Francë edhe pres në një seancë me u përmbyllë gjithë ky cirk ligjor, sepse vërtetë nuk ka bazë ligjore kjo që po ndodhë.

Ju keni udhëtuar edhe më parë në vendet evropiane, pse pikërisht në këtë kohë ndodhi ndalimi nga autoritetet franceze?

Ramush Haradinaj: Serbia e ka riaktualizu kërkesën në Interpol është kërkesë e Serbisë aktualizimi i këtyre fletarresteve për disa njerëz prej Kosove dhe është e habitshme se Serbia me gjasë po vuan për faktin se s’po ka ma shumë mundësi me ndiku në proceset në Kosovë, por vetëm në këtë mënyrë.

A duhen të pastrohen këto lista dhe si duhen mbrojtur të tjerët?

Ramush Haradinaj: Kosova duhet të jetë më e fuqishme, duke u bazuar në shembullin e Kroacisë. Kroacia është një vend anëtarë i BE, anëtar  NATO me orientim euroatlantik, por ka patur guximin e vet me zbatu reciprocitetin me Serbinë, Këtë gjuhë e ka kuptu shumë mirë Serbia, pra gjuhë e reciprocitetit. Serbia do ta keqpërdor inferioritetin e Prishtinës zyrtare, pra qeverisë sonë, institucioneve ton. Dhe nëse vazhdojmë me qenë kështu inferior për Kosovën do të jetë dobët në krejt pozitën e Kosovës në rajon

A mendoni se ndalimi juaj lidhet me ftesën e presidentit amerikan Donald Trump?

Ramush Haradinaj: Nuk muj me hy ne krejt këto konspiracione. Për mu ka qenë nderë i madh ftesa për inaugurimin e presidenitit Trump, presidentin e Amerikës, 45-tin e zgjedhur dhe shpresoj që në të ardhmen e afërt të kem mundësinë me shku në Amerikë./GazetaTribuna/