Por të burgosurit shqiptarë të cilët janë duke vuajtur dënimin për vepra të ndryshme penale në Britani, duket se do të kenë probleme të tjera me ligjin atje.

“The Sun” shkruan në një artikull se autoritetet britanike kanë nisur një hetim pasi të burgosurit shqiptarë dërguar foto dhe video të tyre me rastin e Ditës së Krishtlindjes për faqen në Facebook, ‘Jeta osh qef’.

“Në skandalin më të fundit të thyerjes së rregullave të burgut, një grup shqiptarësh kanë dërguar foto me kamera të futur në mënyrë të paligjshme  në një nga faqet online të vendit të tyre,” shkruan më tej The Sun.

Burgu ndodhet në Dorset, burg i cili pak kohë më parë u përfshi në një tjetër skandal ku të dënuarit shfaqeshin në foto duke festuar me vodka në qeli.

“The Sun”, shkruan se shqiptarët në foto kanë marrë dënim të gjatë me burg kryesisht për trafik droge.

Ata shkruanin për JOQ “Ju urojmë të gjithë shqiptarëve Gëzuar Krishtlindjet nga një burg në Angli. Zoti ju bekoftë të gjithëve”