“E masakroi dhe e la në banesë”, zbardhen emrat e viktimës dhe burrit vrasës
Një krim i rëndë tronditi sot Pogradecin, ku një grua u masakrua me thikë e sqepar nga bashkëshorti i saj 49-vjeçar.
Lajme
Bashkëshortët Bashkim dhe Demirke Mekolli jetonin vetëm në banesën e tyre në fshatin Blacë, ndërsa ishin prindër të një djali 16-vjeccar që jetonte në Itali.
Dyshohet se ka qenë një grindje e çastit që ka nxitur krimin e rëndë, ndërsa çifti ishte vetëm në banesë. Pasi e ka qëlluar dhjetëra herë për vdekje me sqepar e thikë, burri vrasës ka dalë nga banesa duke e lënë trupin e pajetë të gruas brenda, shkruan “Balkanweb”.
Kanë qenë banorët ata që kanë njoftuar më pas policinë që ka mbërritur menjëherë në vendin e ngjarjes. Policia ka shoqëruar më pas 49-vjeçarin, i cili pritet të merret në pyetje për të hedhur dritë mbi ngjarjen e rëndë.