Deklarata e Jahjagës nuk hiqet nga qarkullimi, paditësit tërhiqen nga kërkesa – Lajmi.net
Deklarata e Jahjagës nuk hiqet nga qarkullimi, paditësit tërhiqen nga kërkesa
Autori: Lajmi.net Lajme 10:00, 14 February 2018
Paditësit e Atifete Jahjagës janë tërhequr në seancën e sotme nga masa e sigurisë ndaj deklaratës së Jahjagës që e konsiderojnë fyese.

Në seancën e sotme në lidhje me padinë për shpifje të ish-Presidentes Jahjaga, paditësit me anë të avokates së tyre Shpresa Berisha-Rexhepi janë tërhequr nga kërkesa për masë sigurie ndaj deklaratës së Atifete Jahjagës.

Kunetërit e Shyhrete Berishës, të mbijetuarës së masakrës së vitit 1999 kanë paditur ish-Presidenten Jahjaga për shpifje.

Padia lidhet me deklaratën e Jahjagës se Shyhrete Berisha “është nxjerrë zhag nga shtëpia ku kishte jetuar me burrin dhe fëmijët e saj”.

Paditësit kërkonin që kësaj deklarate t’i vihet masë sigurie, domethënë që një deklaratë e tillë të largohej, ose të eliminohej nga qarkullimi.

Por sot avokatja Shpresa Berisha- Rexhepi u tërhoq nga masa e sigurisë ndaj deklaratës për arsye të kalimit të një kohe të gjatë gati gjashtë muaj nga koha e paraqitjes së kësaj kërkese.

“Pasi që e ka ndalë Presidentja shpifjen dhe nuk ka ndërhyrë më në çështjen gjyqësore konsiderojmë se kane pushuar rrethanat për te cilat kemi kërkuar caktimin e masës së sigurisë”, tha avokatja, njofton kallxo.com.

Por Arianit Koci, avokati i ish-Presidentes Jahjaga, padinë e konsideroi të pabazuar, ndërsa deklaroi se ajo është dashur të hidhej poshtë.

“Propozimi dhe padia është dorëzuar pas afatit ligjor dhe si e tillë është dashur të hedhet”, tha Koci.

Ai konstatoi se pasi propozuesi i masës së sigurisë është tërhequr nga ky propozim, nuk do të lëshohet në këtë çështje.

Koci e konsideroi pretendimin në padi të pabazuar e të pambështetshëm. Tha se ish-presidentja opinionin e saj e ka shprehur në mënyrë metaforike.

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Urban Basketball
  • Play Rock Wheels
  • Play iStunt 2
  • Play Stealth Sniper