Përfaqësues të Kinës dhe Tajvanit janë takuar të martën në Nanjing për bisedimet e rangut të lartë të cilat janë të parat që nga ndarja e dy vendeve në vitin 1949, një hap i rëndësishëm pavarësisht refuzimit të Pekinit për ta njohur pavarësinë e vetëshpallur të ishullit.

Zgjedhja e Ninjang për t’i mbajtur këto bisedime ka rëndësinë e vet pasi që ai ishte kryeqytet i qeverisë nacionaliste të Chiang Kai-shek gjatë luftës kundër regjimit komunist të Mao Zedong, para se nacionalistët të detyroheshin të largoheshin nga ky vend për në Tajvan.

Në këtë qytet gjendet varri i themeluesit të Republikës së Kinës, Sun Yat-sen, i cili respektohet si në Pekin ashtu edhe në Taipei.

Pritjet nga ky takim, i cili pas dy ditësh do të zhvendoset në Shangai, ishin të matshme.

Kreu i delegacionit të Kinës, Zhang Zhijun, tha se bisedimet kishin për qëllim konsolidimin e konsensusit të arritur në takimet e mëhershme. Por ai nuk tha asgjë specifike.

“Takimet tona kanë diçka e paimagjinueshme më parë, por nëse duam të arrijmë rezultat, duhet të kemi pak kreativitet”, tha Zhang.

Ndërsa negociatori i Tajvanit, Wang Yu-chi, tha se takimi ka dëshmuar se “marrëdhëniet e të dyja palëve kanë hyrë në një fazë të re dhe se kjo ditë është me të vërtetë për ndonjë libër rekordesh”.